Мақсад "От" сипоҳи ёрдамида шахмат майдонида турган барча пиёдаларни забт этиш. Майдонда пиёдаларнинг мавжудлиги ва юришни амалга ошириш мумкин бўлмаган ҳолат мағлубият ҳисобланади.

«Шахмат - сеҳрли олам» - шахмат бўйича дарсликнинг электрон версияси. Дарслик муаллифи - шахмат бўйича жаҳон чемпиони фахримиз Рустам Машрукович Қосимжонов. Дарсликнинг электрон версиясида ўқувчиларнинг материални осон ўзлаштиришлари ҳамда шахмат ўйнашни қисқа муддатда ўрганишлари учун фигураларнинг аниматцион юришлари, шахмат ўйини усуллари ва етакчи гроссмейстерларнинг ўйинларидан тўлиқ намуналар келтирилган. Дарсни ўрганиб бўлгандан сўнг олинган билимни мустаҳкамлаш мақсадида тестдан ўтиш тавсия қилинади. Материални тўлиқ ўзлаштирмасдан туриб, тест топшириқларини бажариш фойдаланувчи учун мураккаблик туғдиради. Электрон дарслик ўзбек ва рус тилларида тавсия қилинган бўлиб, оригинал дизайн, ёқимли мусиқа билан бойитилган. Фойдаланиш ҳамда тушуниш осон. Мамлакатимизнинг турли бурчагидан туриб фойдаланиш, хохловчилар учун қулай кўринишда.